आइतवार, फाल्गुण २९ २०७८
फागुन २९, काठमाडौ - लिखित परीक्षामा उत्तीर्ण भएका नायब सुब्बाका उम्मेदवारहरूले लोक सेवा आयोगमा धर्ना दिएका छन् । लोकसेवालाई बढ्दैछ कार्य बोझ! हामिलाइ बड्दैछ मानसिक रोग! जस्ता नारा हरु लेखेको प्लेकार्ड बोकेर धर्ना दिएका हुन्।
गत भदौमा लिखित परीक्षाको नतिजा प्रकाशित भए पनि अहिलेसम्म अन्तर्वार्ता नहुँदा आफूहरूको भविष्य अन्योल भएको भन्दै उनीहरूले आयोगको ध्यानाकर्षण गराएका हुन् ।
उनीहरूले आइतबार कमलपोखरीस्थित लोक सेवा आयोगको केन्द्रीय कार्यालयमा पुगेर अन्तर्वार्ताको माग गर्दै धर्ना दिएको बताइएको छ। हातमा प्लेकार्ड बोकेर निरास मुन्द्रामा ढिलो न्याय अन्याय हो ! हुन नदिएका नासुको , लाग्छ स्राप हाम्रो आँशुको! जस्ता नारा लगाइरहेका लगाइरहेका थिए।
यसअघि अदालतमा मुद्दा परेपछि गत भदौदेखि नासुको अन्तर्वार्ता रोकिएको थियो । रोकिएका अन्तर्वार्ता र परीक्षाहरू यथाशीघ्र सञ्चालन गर्न आदेश आइसके पनि आयोगले काम अघि नबढाएको उनीहरूको गुनासो छ ।
.png)
