आइतवार, माघ १५ २०७९
माघ, १५ काठमाडौ । शिक्षा तथा मानव स्रोत बिकास केन्द्र (बिद्यालय शिक्षा मापदण्ड निर्धारण शाखा) ले आगामी नयाँ शैक्षिकसत्र बैशाख १ बाट शुरुहुने बताएको छ।
केन्द्रले ७७ वटै शिक्षा बिकास तथा समन्वय इकाइलाइ पत्र पठाउदै २०७९ शैक्षिकसत्र आगामी चैत मसान्तसम्म कायम हुने गरि तोकिएकोले नयाँ शैक्षिकसत्र मिति २०८० बैशाख १ बाट शुरु हुने बताएको हो।
देश केही बिद्यालय र जिल्लाहरुबाट आगामी शैक्षिकसत्र कहिले शुरु हुने भनी जानकारी माग गरेको सन्दर्भमा शिक्षा नियमावली २०५९ (संसोधन सहित) को नियम ८४(१) बमोजिम शिक्षा बिज्ञान तथा प्रबिधि मन्त्रालयको मिति २०७९ माघ ६ गतेको निर्णय अनुसार आगामी २०८० बिद्यालय शैक्षिकसत्र आगामी बैशाख १ गते बाट शुरुहुने केन्द्रले जारी गरेको सुचना उल्लेख गरेको छ।
.png)
