बिहिवार, फाल्गुण २५ २०७९
फागुन, २५ काठमाडौ । घुस लिदै गरेको अवस्थामा शिक्षा अधिकृत पक्राउ परेका छन। ललितपुर महानगरपालिकाका शिक्षा महाशाखामा कार्यरत शिक्षा अधिकृत शेषकान्त पौडेल शिक्षक सरुवा गर्न सहजीकरण गरिदिए बापत १ लाख घूससहित पक्राउ परेका हुन ।
अख्तियार दुरुपयोग अनुसन्धान आयोगले एक विज्ञप्ति जारी गर्दै ललितपुर महानगरपालिकाका शिक्षा महाशाखामा कार्यरत शिक्षा अधिकृत (सातौं तह) पौडेललाई १ लाख घुससहित नियन्त्रणमा लिइएको जनाएको छ ।
पौडेलले शिक्षक सरुवा गर्न सहजीकरण गरिदिए बापत सेवाग्राहीसँग घुस माग गरेको निवेदनका आधारमा अख्तियार अनुसन्धान आयोगको टोलीले १ लाख रुपैयाँ घुस लिइसकेको अवस्थामा बिहीबार कार्यकक्षबाटै नियन्त्रणमा लिइएर उनीमाथि थप अनुसन्धान भइरहेको बताइएको छ
