शुक्रवार, आषाढ ८ २०८०
असार, ८ काठमाडौँ — कान्तिपुर हिसान एडुफेयर -२०२३ (शैक्षिक मेला) भृकुटीमण्डपमा पुन: सुरु भएको छ । एसईई र कक्षा १२ को नतिजा आउनु अगाडिनै भर्ना गरेको भन्दै बन्द काठमाडौले बन्द गरेको शैक्षिक मेला उच्च अदालतले मेलामा हस्तक्षेप नगर्म अन्तरिम आदेश दिएसंगै पुन शुरु भएको हो।
हिसानले एसईई र कक्षा १२ को परीक्षा दिई नतिजा कुरेर बसेका विद्यार्थी र तिनका अभिभावकलाई लक्षित गरी मेला आयोजना गरिएको आयोजकले जनाएको छ । मेला असार १० गते आइतबारसम्म सञ्चालन हुनेछ।
निःशुल्क प्रवेश रहेको मेलामा नेपालको शिक्षा प्रणाली र शिक्षण संस्थाबारे जानकारी प्राप्त गर्न सकिने कान्तिपुर हिसान एडुफेयरका संयोजक टंकराज आचार्यले जनाए । मेलामा विद्यार्थी, अभिभावकलाई शैक्षिक परामर्श दिइने संयोजक आचार्यले बताए ।
मेलामा शैक्षिक संस्थाका शिक्षक र पढिरहेका विद्यार्थीसँग छलफल र परामर्श लिन सक्ने व्यवस्था गरिएको छ ।
.png)
