सोमवार, आषाढ १८ २०८०
असार, १८ काठमाडौ । राष्ट्रिय परीक्षा बोर्डले यस वर्षको एसइई परिक्षाको नतिजा प्रकाशन पुरानै लेटर ग्रेडिङ निर्देशिका अनुसार गर्ने गरेको छ । बोर्डको आज बसेको बैठकले यो वर्षको एसइईको नतिजा ग्रेडिङ निर्देशिका - २०७२ अनुसार गर्ने निर्णय गरेको हो ।
यस अघि नतिजा प्रकाशन पुरानै लेटर ग्रेडिङ निर्देशिकाबाट गर्ने कि २०७८ को नयाँ पद्धतिबाट गर्ने विषयमा अन्योल रहेको थियो । बोर्डले अघिल्लो बर्ष समेत लेटर ग्रेडिङ निर्देशिका - २०७८ कार्यविधि लागू गरेपनि नतिजा भने लेटर ग्रेडिङ निर्देशिका - २०७२ को अनुसार प्रकाशित गरेको थियो । पुरानो पाठ्यक्रम बाट एसइई दिने अन्तिम ब्याच भएकाले पुरानो निर्देशिका (२०७२) अनुसार नै नतिजा प्रकाशन गर्ने निर्णय गरेको राष्ट्रिय बोर्डले जनाएको छ ।
यस वर्ष ७ हजार २ सय ६५ सामुदायिक विद्यालयका र ४ हजार ५ सय ६४ संस्थागत विद्यालयका गरी कूल ५ लाख १६ हजार ५ सय ९१ जना परीक्षार्थी एसईईमा सहभागी थिए । छात्र २ लाख ६० हजार ६ सय ७४ र छात्रा २ लाख ५५ हजार ९ सय १७ जना परीक्षार्थी सहभागी थिए । त्यसैगरी प्राविधिक धारका १५ हजार ४ सय ६१ र दृष्टि विहिन विद्यार्थी ५० जनाले परीक्षा दिएका थिए । प्राबिधिक कठिनाइ नआए परीक्षा नतिजा भने राष्ट्रिय परीक्षा बोर्डको कार्यतालिका अनुसार नै नतिजा सार्वजनिक हुने बताइएको छ। यस अनुसार नतिजा आगामी शुक्रबार भित्र आउने भएको छ।
.png)
