बिहिवार, आषाढ २१ २०८०
असार, २१ काठमाडौ । माध्यमिक शिक्षा परीक्षा (एसईई)को नतिजा आज प्रकाशित गर्ने भएको छ । राष्ट्रिय परीक्षा बोर्डले गत चैतमा संचालन गरेको एसईई परिक्षाको नतिजा प्रकाशित गर्ने भएको हो।
बोर्डको उच्च सूत्रका अनुसार नतिजा प्रकाशन गर्न सबै तयारी पूरा गरिएको र आजका लागि बोर्ड बैठक डाकिएको छ ।
"जटिल कुनै समस्या नआए आज नतिजा सार्वजनिक गर्नेछौँ" उच्च सूत्रले भने ।
२०७९ चैत १७ गतेदेखि सञ्चालन भएको एसईईमा ७ हजार २ सय ६५ सामुदायिक विद्यालयका र ४ हजार ५ सय ६४ संस्थागत विद्यालयका गरी कूल ५ लाख १६ हजार ५ सय ९१ जना परीक्षार्थी एसईईमा सहभागी थिए । छात्र २ लाख ६० हजार ६ सय ७४ र छात्रा २ लाख ५५ हजार ९ सय १७ जना परीक्षार्थी सहभागी थिए । त्यसैगरी प्राविधिक धारका १५ हजार ४ सय ६१ र दृष्टि विहिन विद्यार्थी ५० जनाले परीक्षा दिएका थिए ।
यहाँबाट हेर्नुस नतिजा ।
.png)
