बुधवार, आश्विन ३ २०८०
असोज, ३ काठमाडौं । कक्षाकोठामा विद्यार्थीहरू माझ पढाउनुपर्ने शिक्षक सडक आन्दोलनमा उत्रिएका छन् । प्रस्थावित शिक्षा बिधेयक २०८० प्रती आपत्ती जनाउदै शिक्षक सडकमा उत्रिएका हुन्।
पेशागत हकहित लगाएत समग्र शिक्षाबारे लामो समय देखि आन्दोलन गर्दै आएका शिक्षक १८ बुँदे माग राख्दै सडकमा आएका छन। आन्दोलनले माइतीघर-वानेश्वर सडक ढपक्कै ढाकेर विरोध प्रदर्शन गरिहरेका छन।
सामुदायिक विद्यालयहरुको छाता संगठन नेपाल शिक्षक महासंघको आह्वानमा यो आन्दोलन सुरू गरेका शिक्षकहरुले आफ्नो माग पूरा नहुन्जेल आन्दोलन जारी राख्ने बताएका छन। आन्दोलनमा राहत, करार, बालविकास, स्थायीलगायत शिक्षक कर्मचारी आन्दोलन सहभागी छन् । सरुवा, बढुवा, दरबन्दी लगायतका मुद्दा उठाएका उनीहरुले स्थानीय तह मातहत नबस्ने बताएका छन् ।
शिक्षकहरूको आन्दोलनको कारण देशभरका झण्डै ३० हजार विद्यालय बन्द हुनुका साथै ७० लाख जति विद्यार्थी पढ्नबाट वञ्चित हुनेछन् ।
.png)
