सोमवार, आश्विन ८ २०८०
असोज, ८ काठमाडौं । सरकारसँग भएको ७ बुँदे सहमति अमान्य रहेको भन्दै आन्दोलन जारी राखेका राहत शिक्षकले सडकमै सुतेर प्रदर्सन गरेका छन।
बिगत ७ दिन देखि शुरु भएको आन्दोलन सरकार र नेपाल शिक्षक महासंघबीच शुक्रबार साँझ भएको सहमतिमा आफ्नो माग समाधान नगरेको भन्दै आन्दोलन नरोकेका उनीहरूले आज बबरमहल-माइतीघर सडकमा सुतेर बिरोध प्रदर्सन गरेका हुन्।
सरकारसँगको सहमतिमा आफ्ना एजेण्डा सुनुवाइ नभएको भन्दै आन्दोलनमा होमिएका राहत शिक्षकहरुले आफ्नो माग पूरा नहुन्जेल आन्दोलन नरोकिने बताएका छन।
नेपाल राहत शिक्षक केन्द्रीय समितिका अध्यक्ष खेमराज अधिकारीका अनुसार महासंघ र नेपाल सरकार बिच भएको सहमतिमा ५० हजार राहतको शिक्षकको माग सम्बोधन नगरेपछि आन्दोलन जारी राखेको बताए । २०७५ सालभन्दा अगाडिका ४० हजार शिक्षक विस्थापित नहुने गरी ऐन बन्नुपर्ने आफूहरूको माग रहेको उनको भनाइ छ ।
.png)
