बिहिवार, आश्विन ११ २०८०
असोज, ११ काभ्रे । बनेपा नगरपालिकाले बजेट अभाव भएको भन्दै गणित र बिज्ञानका शिक्षकलाई अवकाश दिन ८ वटा विद्यालयलाई पत्र लेखेको छ। आर्थिक वर्ष २०८०/०८१ मा सरकारबाट अनुदान नपाएपछि नगरभित्रका सामुदायिक विद्यालयलाई दिँदै आएको शिक्षण सहयोग अनुदान कटौति शिक्षकहरुलाई निष्काशन गर्ने निर्णय गरेको हो ।
यस नगरपालिकाको लागि संघीय शसर्त अनुदान अन्तर्गत कुनैपनि दरबन्दी नभएका सामुदायिक विद्यालयमा गणित, विज्ञान तथा अंग्रेजी विषयका शिक्षक व्यवस्थापनको लागि शिक्षण सहयोग अनुदान आउने गरेकोमा यस आर्थिक बर्ष २०८०/०८१ मा अनुदान प्राप्त नभएको हुँदा उक्त शीर्षकबाट तलव भत्ता पाउने गरी नियुक्त भएका शिक्षकहरुलाई स्रोत अभावका कारण मिति २०६०।०६।०८ गतेदेखि सेवा निरन्तरता नदिने नगर शिक्षा समितिको मिति २०८०/०६/०७ को निर्णय भएको हुँदा सोही अनुसार तहाँ विद्यालयमा उक्त शिर्षकबाट तलब भत्ता पाउनेगरी नियुक्त भएका शिक्षकलाई अवकाश गरी यस नगरपालिकामा जानकारी गराउन हुन अनुरोध छ,’– नगरपालिकाले विद्यालयलाई पठाएको पत्रमा भनिएको छ ।
.png)
