मंगलवार, पौष १० २०८०
पुस, १० गते काठमाडौ । काठमाडौको नयाँबजार स्थित गीताञ्जली स्कुल/कलेजको खेलकुद सप्ताह शुरु भएको छ। आइतवार एक कार्यक्रमका बिच कलेजको खेलकुद सप्ताह (Sports Carnival) शुरु भएको हो।
गीताञ्जली कलेजमा पढाई संगसंगै शारीरिक तथा मानसिक बिकासको लागि हरेक बर्ष विद्यार्थीहरुलाई विभिन्न खेलहरु खेलाउने गरिएको छ। खेलकुद सप्ताहमा नेपालको राष्ट्रिय खेल भलिबल, बास्केटबल, फूटसल, ब्याडमिन्टन, टेबलटेनिस, र म्याराथन खेलहरु भइरहेका छन्।
खेल सप्ताहमा भलिबलको ७ वटा टिम जसमध्य ५ वटा टिम छात्र र -२ वटा टिम छात्राहरुको रहेको छन। साथै बास्केटबलमा ८ वटा टिम, फूटसलमा १० वटा टिम, ब्याडमिन्टन, टेबलटेनिस र म्याराथनमा विद्यार्थीहरुले भाग लिएको खेलकुद संयोजन गरिरहनु भएका कलेजका कोर्डिनेटर बाशुदेव अधिकारीले बताउनुभयो। उहाँका अनुसार खेलहरु बुधवार सम्म खेलाइने बताइएको छ।
विद्यार्थीहरुलाई विभिन्न खेलहरु मार्फत शारिरिक तथा मानसिक स्फुर्तिका लागि खेलकुद अत्यन्तै महत्त्वपूर्ण रहने भएकोले हरेक बर्ष कलेजले अतिरिक्त क्रियाकलाप (CCA/एक)लाई पढाइ संगसंगै लैजाने गरेको कलेजका प्राचार्य बेद पन्तले बताउनुभयो। उहाँले खेलाडी उत्पादन थलो बिद्यालयलाई निर्माण गर्न र खेलको आधार स्तम्भ निर्माण गर्न सघाउ पुर्याउनका लागी नियमित खेलकुदमा ध्यान दिने गरेको धारणा ब्यक्तगर्नुभयो ।
राष्ट्रिय खेल भलिबलमा बिशेष जोड दिदै आएको उक्त कलेजले हरेक खेलमा आफ्नो उत्कृष्ट प्रदर्शन गर्दै आएको छ ।
.png)
