सोमवार, बैशाख १७ २०८१
बैशाख, १७ काठमाडौ । राष्ट्रिय परीक्षा बोर्डले कक्षा १२ को वार्षिक परीक्षामा परीक्षा हलमा केन्द्राध्यक्ष बाहेक अरुलाई मोबाइल बोक्न पुर्णत: निषेध गरिएको जनाएको छ।
बोर्डले एक सूचना जारी गर्दै कक्षा १२ को वार्षिक परीक्षालाई मर्यादित र व्यवस्थित रूपमा सञ्चालन गर्न परीक्षा हलमा केन्द्राध्यक्ष बाहेक अन्य कसैलाई पनि मोबाइल लैजान पूर्णतः निषेध गरिएको जानकारी दिएको हो।
राष्ट्रिय परिक्षा बोर्डले परीक्षा केन्द्रमा मोबाइल लैजान पूर्णतः निषेध गरिएको र विभिन्न तहबाट हुने अनुगमनका क्रममा परीक्षाको मर्यादा विपरीत कसैले मोबाइल साथमा राखेको वा प्रयोग गरेको पाइएमा नियमानुसार कारबाही हुने सुचनामा उल्लेख गरेको छ ।
केही परीक्षा केन्द्रहरूमा मोबाइलको अनधिकृत प्रयोग भएको पाइएकोले परीक्षार्थीहरू समेतको मोबाइल जफत गरी कारबाही गरिएको ब्यहोरा बोर्डले जानकारी दिएको छ ।
.png)
