बुधवार, बैशाख १९ २०८१
बैशाख, १९ गते काठमाडौं । अत्यधिक गर्मी बढेसंगै बुटवल उपमहानगरपालिकाले विद्यालयहरूमा दुईदिन बिदा दिने निर्णय गरेको छ । केही दिनयता अत्यधिक गर्मी बढेपछि उपमहानगरले सबै सामुदायिक तथा संस्थागत विद्यालयमा भोलि र पर्सि दुई दिन बिदा दिने निर्णय गरेको हो ।
गर्मीसँगै तातो हावा चल्न थालेका कारण विद्यालयमा विद्यार्थीहरूको स्वास्थ्यमा समेत गम्भीर असर पर्न सक्ने सम्भावना देखिएकाले विद्यालयहरूले गर्न पाउने वार्षिक बिदाबाट कट्टी हुने गरी बिदा दिने निर्णय भएको उपमहानगरले जनाएको छ । यद्यपि राष्ट्रिय परीक्षा बोर्डबाट सञ्चालित कक्षा १२ का परीक्षाहरू भने नियमितरूपमा सञ्चालन हुनेछन् ।
त्यसैगरी अत्याधिक गर्मी बढेपछि सर्लाहीको हरिवन नगरपालिकाले विद्यालयहरू वैशाख १९ गतेदेखि २२ गतेसम्म बिदा गर्ने निर्णय गरेको छ ।
.png)
