आइतवार, श्रावण २७ २०८१
साउन, २७ गते काठमाडौ । एघारौ ग्रीनफिल्ड बास्केटबल प्रतियोगिता २०८१ शुरु भएको छ। शनिवार एक भव्य कार्यक्रमका बिच अन्तर-स्कुल बास्केटबल प्रतियोगिता शुरु भएको हो।
प्रतियोगिता एक सातासम्म चल्ने छ। बास्केटबल प्रतियोगितामा सिनियर तर्फ २५ वटा छात्र र १२ वटा छात्राहरुको टिम रहेको छन् भने जुनियर तर्फ १३ वटा टिम रहेका छन्।
प्रतियोगिता उद्घाटन समारोहमा विद्यार्थीहरुले बिशेष कौसलता सहितको सांगीतिक नृत्य र पिटिहरु प्रस्तुत गरेका थिए।
प्रतियोगितामा बोल्दै ग्रीनफिल्ड स्कुल/कलेजका प्रिन्सिपल खडक बहादुर बस्नेतले नेपाली खेल क्षेत्रमा योगदान पुर्याउने र विद्यार्थीहरुको शारीरिक तथा मानसिक तन्दुरुस्तिमा भुमिका खेल्ने बताउनुभयो। साथै खेलले विद्यार्थीहरुमा अनुशासन कायम गर्न सघाउ पुर्याउने बस्नेतले बताउनुभयो ।
त्यसैगरी कार्यक्रममा प्रमुख अतिथिको रुपमा हिसानका उपाध्यक्ष तथ काठमाडौ भ्याली कलेजका अध्यक्ष डा.स्वागत श्रेष्ठले बास्केटबल प्रतियोगिता सफलताको शुभकामना दिनुभयो । खेलकुदमा अनुशासनको जरुरत हुन्छ। श्रेष्ठले भन्नुभयो, अनुशासन र खेलकुदलाई संगै लाने हो भने जीवन सफल हुन्छ।' साथै खेलकुदामा भाग लिनु ठूलो कुरा हो भन्दै उहाँले अनुशासित भएर खेल्नेहो भने जित्नुमात्रै ठूलो कुरा नहुने धारणा व्यक्त गर्नुभयो ।
कार्यक्रम ग्रीनफिल्ड फाउन्डेसनका निर्देशक राजुराम अधिकारी, आर्थिक निर्देशक अर्जुन पाठक, पब्लिक रिलेशन अफिसर इन्दिरा पोखरेल लगाएत शिक्षक विद्यार्थीहरुको उपस्थिति रहेको थियो।
.png)
