बुधवार, चैत्र ५ २०८१
चैत, ६ गते काठमाडौँ। नेपाल शिक्षक महासंघको दोस्रो चरणको आन्दोलन अन्तर्गत भोलि चैत ७ गते देखि रिले अनशन शुरु गर्ने भएका छन। दोस्रो चरण अन्तर्गत २०८१ चैत्र ७ गतेबाट १५ गतेसम्म रिले अनशन गर्ने भएका हुन्। रिले अनशन अन्तर्गत भोलि चैत ७ गते बिहान ८ बजेदेखि शिक्षा तथा मानव स्रोत विकास केन्द्रमा शुरुआत गर्ने जानकारी दिइएको छ।
चैत्र ७ गतेबाट आरम्भ भएको अनशनमा पहिलो दिन सहअध्यक्ष एवम् आन्दोलन परिचालन समितिका संयोजक नानुमाया पराजुलीको नेतृत्वमा १५ जना महिला शिक्षक-कर्मचारी साथीहरु अनशनमा बस्ने जानकारी दिइएको छ। साथै हरेक दिन अनशन विहान ८ः०० बजेबाट शुरु भई बेलुका ६ः०० बजेसम्म चल्नेछ ।
यसअघि शिक्षक महासंघले दोस्रो चरणको आन्दोलन अन्तर्गत राजनीतिक दलका केन्द्रिय कार्यलयहरुमा धर्ना दिएका थियो।
रिले अनसन पश्चात् आगामी चैत्र २० गतेबाट काठमाडौं केन्द्रित प्रदर्शन हुनेछ ।
.png)
