शनिवार, चैत्र २९ २०८१
काठमाडौं । प्रतिनिधि सभा अन्तर्गतको शिक्षा समितिमा रहेको विद्यालय शिक्षासम्बन्धी विधेयकको विवाद टुंगो लगाउन गठित उपसमितिले माध्यमिक शिक्षा परीक्षा–एसईई सम्बन्धित विद्यालयले नै लिने विषयमा सहमति जुटाएको छ ।
यस अनुसार शिक्षा विधेयक पारित भएपछि आधारभूत तह कक्षा ८ को परीक्षा स्थानीय तहले र माध्यमिक तह १२ कक्षाको परीक्षा राष्ट्रिय परीक्षा बोर्डले लिने छ । र कक्षा १० (एसईई) को परीक्षा सम्बन्धित विद्यालयले लिने छन्।
त्यसैगरी उपसमितिमा शिक्षा विधेयकका १६३ दफामध्ये ७९ वटामा सहमति भइसकेको जानकारी दिइएको छ । उपसमितिले सांसद, ७ वटै प्रदेश, सरोकारवाला र विज्ञबाट आएका सुझावलाई आधार मानेर छलफल गरी दफाहरू टुंग्याउँदै लगेको जनाएको छ ।
विधेयकमा परेका १७ सय ५८ संशोधनमध्ये ११ सय वटामा छलफल गरिसकेको समेत समितिले जनाएको छ ।
.png)
