मंगलवार, जेठ २८ २०८२
तौलिहवा(कपिलवस्तु), जेठ २७ गते । अत्यधिक गर्मी बढ्दै गएपछि पठनपाठनमा समस्या आएको जनाउँदै तराईमा विभिन्न पालिकाहरूले विद्यालय बन्द गरिएका छन् । गर्मिका कारण विद्यार्थीहरु बेहोस हुने, निदाउने, बिरामि समस्या देखिन थालेपछि विद्यालय बन्द गरिएका हुन्।
चितवनको भरतपुर महानगरपालिका, रत्ननगर नगरपालिका, कञ्चनपुरको बेलौरी नगरपालिका, बाराको कलैया उपमहानगरपालिका, कपिलवस्तुका बाणगङ्गा र बुद्धभूमि नगरपालिकाले विद्यालय बन्द गर्ने निर्णय गरेका हुन् ।
भरतपुर महानगरपालिका, बिराटनगर महानगरपालिका, कलैया उपमहानगरपालिका, कमलामाई नगरपालिकाले ३ दिन, बुद्धभूमि र बाणगङ्गा नगरपालिकाले चार दिन मङ्गलबारदेखि शुक्रबार सम्म र कपिलवस्तु नगरपालिकाले तीन दिन बुधबार देखि शुक्रबार सम्म बिदा दिइएको छ। त्यसैगरी बेलौरी नगरपालिकाले दुई दिनका लागि वर्षे विदाबाट मिलान हुनेगरी विद्यालय विदा गरेका छन् ।
.png)
