आइतवार, भाद्र १ २०८२
भदौ, १ गते/ काठमाडौं । प्रतिनिधिसभाको शिक्षा, स्वास्थ्य तथा सूचना प्रविधि समितिको बैठक भोलिको लागि बोलाइएको छ । समितिले भोलि सोमबार दिउँसो ३ बजेका लागि बैठक बोलाइएको हो ।
स्रोतका अनुसार शिक्षा विधेयकका नमिलेको विषयमा टुङ्गो लगाउन बैठक बस्ने भएको हो। आइतबार विवादित विषयमा छलफल गर्न समन्वय परामर्श उपसमितिको बैठक बसेको थियो । तर उक्त बैठकले पूर्ण छात्रवृत्तिको विषयमा सहमति जुटाउन नसेकेको बताइएको छ
विवादित विषयलाई थाती राखेर समिति सचिवालयले प्रतिवेदन तयार पारेको छ । गत २२ साउनमा बसेको समितिको बैठकमा निजी विद्यालयको पूर्ण छात्रवृत्तिको विषयमा सहमति जुट्न सकेको थिएन । यस विषयमा पनि भोलिको समितिको बैठकमा टुङ्गो लाग्ने अपेक्षा गरिएको छ। त्यसपछि सचिवालयले तयार पारेको प्रतिवेदन अध्ययनको लागि सदस्यहरूलाई वितरण गरिने समितिले जनाएको छ ।
.png)
