आइतवार, भाद्र ८ २०८२
भदौ, ८ गते/बर्दिया । जिल्लाको ठाकुरबाबा नगरपालिकाले शैक्षिक गुणस्तर बढाउन प्रधानाध्यापकलाई मोटरसाइकल हस्तान्तरण गरेको छ । पालिकाले विद्यालयको प्रयोजनका लागि ९ जना माद्यामिक तहका प्रधानाध्यापकहरुलाई सेतो प्लेटको मोटरसाइकल हस्तान्तरण गरेको हो।
शिक्षकको मनोबल उच्च राख्न र थप जिम्मेवारी बोध हुने भएकाले मोटरसाइकल हस्तान्तरण गरिएको मेयर तिलक लम्सालले बताए । पहिलो चरणमा मावि र त्यसपछि निमावि र प्राविका प्रधानाध्याकलाई मोटरसाइकल हस्तान्तरण गरिने उनको भनाइ छ ।
यसअघि प्रहरीलाई पनि तीन वटा मोटरसाइकल हस्तान्तरण गरिएको थियो । नगरको शान्ति सुरक्षामा खटिने प्रहरीलाई सहज होस् भन्ने उद्देश्यले मोटरसाइकल हस्तान्तरण गरिएको मेयर लम्सालले बताए ।
.png)
