आइतवार, मंसिर १ २०८२
काठमाडौँ, मंसिर ३० । द एक्सेल पब्लिक सेकेन्डरी स्कुलद्वारा आयोजित मोडेल युनाइटेड नेसन (MUN) सम्मेलन–२०२५ सकिएको छ। शनिवार काठमाडौँको स्वयम्भूस्थित एक सभाहलमा एक दिन चलेको उक्त कार्यक्रममा द एक्सेल पब्लिक सेकेन्डरी स्कुलका ४० विद्यार्थीले सहभागिता जनाएका थिए।
उक्त कार्यक्रममा प्रमुख अतिथिको रुपमा नागार्जुन नगरपालिकाका कार्यवाहक मेयर सुशीला अधिकारी सहभागी हुनुभएको थियो।
सम्मेलनमा सहभागी विद्यार्थीहरू विभिन्न देशका प्रतिनिधि (Delegate) का रूपमा प्रस्तुत भएका थिए। सहभागी विद्यार्थीहरुले शान्ति, अन्तर्राष्ट्रिय सुरक्षा र मानवअधिकार लगाएत शिक्षा तथा स्वास्थ्य जस्ता विश्वव्यापी मुद्दामा बहस, छलफल र कूटनीतिक समाधान प्रस्तुत गरेका थिए । कार्यक्रममा ४ वटा समूह बनाएर छलफल गरि आएका विषयका आधारमा अन्तिम रुप दिइएको थियो।
उद्घाटन समारोहमा बोल्दै प्रमुख अतिथि नागार्जुन नगरपालिका कार्यवाहक प्रुख सुशीला अधिकारीले MUN जस्ता गतिविधिले विद्यार्थीको नेतृत्व क्षमता, अनुसन्धान कौशल र अन्तर्राष्ट्रिय बुझाइ मजबुत बनाउने बताउनुभयो ।
उक्त कार्यक्रममा बोल्दै द एक्सेल पब्लिक स्कुलका प्रिन्सिपल बाशुदेव घिमिरेले एमयुएनले विद्यार्थीलाई नेतृत्व विकास, सहकार्य, र समस्या समाधानका लागि सोच्न प्रेरणा दिएको छ। कार्यक्रमले नेपाली विद्यार्थीलाई अन्तर्राष्ट्रिय मञ्चमा छलफल गर्ने क्षमता विकासमा विशेष टेवा उहाँको भनाइ थियो।
.png)
