शुक्रवार, आषाढ २५ २०७८
काठमाडौं: इनरुवा - सरकारले घोषणा गरे अनुसार मासिक पारिश्रमिक पाउनु पर्ने माग राख्दै इसीडी शिक्षक र विद्यालय कर्मचारी देशैभरी विभिन्न स्थानमा आन्दोलनमा उत्रेका छन। सरकारले तोके बमोजिम पारिश्रमिक पाउनु पर्ने माग राख्दै आन्दोलनमा उत्रिएका हुन ।
यश अघि आ.व.०७८/०७९ को बजेट सरकारले बाल विकास शिक्षक तथा विद्यालय कर्मचारीहरुको मासिक पारिश्रमिक १५ हजार रुपैंया दिने निर्णय गरेको थियो । जसअन्तर्गत केन्द्रबाट ८ हजार र बाँकी ७ हजार स्थानीय तहले थप गरि मासिक पारीश्रमिक दिने निर्णय भएको थियो ।
यसै क्रममा सुनसरीस्थित इनरुवा नगरपालिकालाई इसीडी शिक्षक र क्रमचारिले ज्ञापन पत्र समेत बुझाएका छन् । यसअघि उनिहरु चारणवद्ध आन्दोलन गर्दै आएका थिए ।
शिक्षकहरुले आफ्ना मागहरु आगामी साउनबाट लागु हुनुपर्ने र मागहरुको अपहेलना गरिए चरणबद्ध र चर्को आन्दोलन गर्ने घोषणा गरेका छन् ।
उनिहरुले भनेका छन, 'हामी राज्यबाट हेपिएका छौ। हाम्रो श्रम लुटिएको छ। श्रम शोषण गर्न पाईंदैन’, ‘नेपाल सरकारले तोकेको पारिश्रमित दिनैपर्छ, । ‘हामी हाम्रो हकअधिकारका लागि लडिरहेका छौं, कसैको भाग खोस्न होइन’ जस्ता नारा समेत लगाएका छन् ।
यदि माग पूरा नभए आन्दोलनको आँधिबेहरी ल्याउने र आन्दोलनको सम्पूर्ण जिम्मेवारी नगरपालिकाले नै बेहोर्नु पर्ने शिक्षकहरुले जनाएका छन् ।
.png)
