बुधवार, आश्विन १३ २०७८
स्याङ्जा- दुई जना विद्यार्थीलाइ कोरोना सङ्क्रमण पुष्टि भएपछि स्याङ्जाको मोहमी माध्यमिक विद्यालय तीन दिनका लागि बन्द गरिएको छ ।
चापाकोट नगरपालिका–६ स्थित साँखर मोहमी माध्यमिक विद्यालयको कक्षा ९ मा अध्ययनरत छात्रामा ज्वरो, रुघाखोकीलगायत लक्षण देखिएपछि विद्यालय समयमै नजिकै रहेको स्वास्थ्य चौकीमा एन्टिजेन परीक्षण गर्दा कोरोना पुष्टि भएको हो ।
विद्यार्थीमा कोरोना सङ्क्रमण देखिए पछि लामो समय बन्द भएको विद्यालय खुलेको १५ दिनमै फेरि बन्द गरिएको हो ।
अन्य विद्यार्थीमा सङ्क्रमण फैलिन नदिनका लागि विद्यालय व्यवस्थापन समिति र चापाकोट नगर शिक्षा समितिको निर्णयबमोजिम विद्यालय बन्द गरिएको प्रधानाध्यापक दीपक बस्ताकोटीले बताए ।
.png)
