आइतवार, कार्तिक ७ २०७८
काठमाडौं। वाग्मती प्रदेश सरकारले आफ्नो क्षेत्रभित्रका सामुदायिक विद्यालयलाई प्रयोगशाला बनाउन अनुदान दिने भएकोे छ। प्रयोगशाला निर्माणकालागि मापदण्ड र सर्तहरुसमेत तोकेर प्रादेशिक शिक्षा विकास निर्देशनालयले १२ लाखदेखि १५ लाख रुपैयाँसम्म अनुदान दिने जनाएको हो।
निर्देशनालयका अनुसार सामुदायिक विद्यालयमा विज्ञान विषय र सूचना प्रविधि प्रयोगशाला स्थापनासम्बन्धी कार्यविधि २०७८ अनुसार छनोट भएका विद्यालयलाई रकम उपलब्ध गराइने छ। उक्त कार्यविधिअन्तर्गत विज्ञान प्रयोगशालाका लागि रु. १२ लाख र सूचना प्रविधिका लागि रु १५ लाख अनुदान दिने भएको छ।
प्रदेश सरकारले आर्थिक वर्ष २०७८/७९ को बजेटमा उल्लेख भएबमोजिम निर्देशनालयले कार्यविधि तयार गरी अनुदान दिनेछ। कार्यविधिमा प्रयोगशाला स्थापना गर्ने विद्यालय पहिचान गरी मापदण्ड निर्धारण गरी अनुदान दिने निर्देशनालयको योजना छ।
.png)
