मंगलवार, श्रावण ३० २०८०
भदौ, ३० काठमाडौ । काठमाडौं महानगरपालिकाले संस्थागत विद्यालयमा छात्रवृत्ति पाएका विद्यार्थी र विद्यालयको म्याचिङ लिस्ट, सार्वजनिक गरेको छ। महानगरले कक्षा ११ को छात्रवृत्तिका लागि गत साउन २० गते लिएको परीक्षाको म्याचिङ् नतिजा र प्रथम भर्नाको योग्यता क्रमको अन्तिम सूची प्रकाशन गरेको हो ।
साउन २७ गतेसम्म प्राथमिकता निर्धारण गर्न विद्यार्थीहरुलाई दिइएको समय र त्यस अवधिमा विद्यार्थीहरुले अनलाइनमार्फत छानेका विषय तथा शिक्षण संस्थाका आधारमा भर्ना हुनका लागि शिक्षण संस्थाहरु पनि शिफारिस गरिएका छन् । प्रकाशित सूचीमा शिक्षण संस्थाको नाम, वडा नं., अध्ययन गर्ने कार्यक्रमको नाम, विद्यार्थीको नाम, परीक्षाको रोल नं., श्रेणी (र्याङ्क), प्राथमिकता आदेश (प्राइरोटी आर्डर) समावेश गरिएको छ ।
सो म्याचिङमा विज्ञान विषयमा १ हजार ४५२ जना, व्यवस्थापन विषयमा ७४५ जना, कानुनमा ४३ जना, मानविकीमा ४ जना, शिक्षामा ५ जना, सिभिल इञ्जिनियरिङ्मा ४४ जना, कम्प्युटरमा १८ जना, इलेक्ट्रिकलमा ११ जना विद्यार्थीले छात्रवृत्ति पाएका छन् ।
छात्रवृत्ति पाउने मध्ये प्राविधिक धारका विषयमा सामुदायिक विद्यालयमा भर्ना लिइने नगर प्रमुख बालेन्द्र शाहले जानकारी दिए ।
पहिलो सूचीमा नाम उल्लेख भएका विद्यार्थीहरुले भदौ १ गतेभित्र तोकिएको विद्यालयमा गएर भर्ना भइसक्नु पर्ने महानगरले जानकारी दियो । महानगरले भदौ ३ गते दोस्रो नतिजा प्रकाशन गर्ने जानकारी दियो ।
पहिलो चरणमा छनोट भएका विद्यार्थी विद्यालय हेर्नुहोस्ः
.png)
