बुधवार, माघ १० २०८०
माघ, १० काठमाडौ । काठमाडौको महानगरपालिका अन्तर्गत बालाजु नम्बर १६ नेपालटारमा अवस्थित नेशनल मोडेल स्कुलले नि:शुल्क दन्त शिविर आयोजना गरेको छ। नेशनल मोडेल स्कुल र कान्तिपुर डेन्टल अस्पतालको सहकार्यमा दन्त शिविर आयोजना गरेको हो।
दन्त शिविरबाट स्कुलमा अध्ययनरत करिब ९५० विद्यार्थीहरुले नि:शुल्क दन्त एबं स्वास्थ्य परिक्षण गरेका छन। दन्त शिविर नेशनल मोडेल स्कुलको प्राङ्गणमा भएको थियो।
बालबालिकाहरुको स्वास्थ्य अवस्थाको ख्याल गर्दै स्कुलले कान्तिपुर डेन्टल हस्पिटलसंग सहकार्य गरेर नि:शुल्क दन्त शिविर आयोजना गरेको स्कुलका प्राचार्य डिएन अधिकारीले बताउनुभयो । साथै स्कुलले आगामी दिनमा विद्यार्थी तथा अभिभावकहरुलाई लक्षित गरेर नि:शुल्क स्वास्थ्य शिविर समेत गर्ने उहाँले बताउनुभयो। स्वास्थ्य शिविर बिहान १० बजे देखि ४ बजे सम्म संचालन भएको थियो।
काठमाडौको उत्तरी बेल्टकै चर्चित स्कुल मानिदै आएको छ। उक्त स्कुलमा करिब हजार भन्दा बढी विद्यार्थीहरु रहेका छन। बिद्यालयले पढाइ संगसंगै विद्यार्थीहरुको शारीरिक, मानसिक, बौद्धिक लगाएत समग्र बिकासको लागि खेलकुद र अन्य अतिरिक्त क्रियाकलापहरुलाई समेत बिशेष जोड दिने गरेको छ। बिद्यालय विद्यार्थीहरुको लागि मात्रै नभै शिक्षकहरुको भलिबल प्रतियोगिता, शिक्षक कार्यशाला, तथा गोष्टि को आयोजना गर्दै आएको छ।
बालबालिका मैत्री शिक्षण सिकाइ क्रियाकलापलाई बिशेष ध्यान दिदै आएको काठमाडौ नेशनल मोडेल स्कुलले यसै बर्ष देखि कक्षा ११ को पठनपाठन समेत शुरु गर्दै छ।
.png)
