जेठ, ३० गते काठमाडौं । काठमाडौ बर्नहार्ट कलेजले आयोजना गरेको एसईई ३ बाई ३ बास्केटबल प्रतियोगिता सम्पन्न भएको छ। जेठ २९ र ३० दुईदिन सम्म चलेको उक्त प्रतियोगिता सम्पन्न भएको हो।

प्रतियोगितामा छात्रा (Girls) तर्फ रेडियन्ट स्कुलका विद्यार्थीले प्रथम स्थान हात परेका छन र छात्र (Boys) तर्फ काठमाडौ बर्नहार्ट स्कुलकै विद्यार्थीहरुले पहिलो स्थान हात पारे। त्यसैगरी प्रतियोगितामा छात्रा (Girls) तर्फ TIVS (टिभ्स) सेकेन्डरी स्कुल र छात्र (Boys) तर्फ मनास्लु वर्ल्ड स्कुल/ कलेजका विद्यार्थीहरुले द्वितीय स्थान हात पारे।

प्रतियोगितामा छात्रातर्फ प्रथम स्थान हात पार्ने टिमले रु ७ हजार र द्वितीय स्थान हात पार्ने टिमले रु ४ हजार नगत सहित ट्रफी, मेडल र प्रमाणपत्र पुरस्कार पाएका छन्। त्यसैगरी छात्रतर्फ प्रथम स्थान हात पार्ने टिमले रु १० हजार र द्वितीय स्थान हात पार्ने टिमले रु ५ हजार नगत सहित ट्रफी, मेडल र प्रमाणपत्र पुरस्कार पाए। त्यसैगरी बेस्ट प्लेयर Boys तर्फ काठमाडौ बर्नहार्ट टिमका लक्की महर्जन र Girls तर्फ रेडिएन्ट सेकेन्डरी सकुलकी दिब्यानी शाहले प्राप्त गरिन ।

पुरस्कार वितरण कार्यक्रम पश्चात् खेलाडी विद्यार्थीहरुलाई सम्बोधन गर्दै काठमाडौ बर्नहार्ट स्कुल/कलेजका अध्यक्ष भुपेस छत्कुलिले कक्षा ११ मा भर्ना हुन आउने पहिलो ५ जना खेलाडी विद्यार्थीलाई छात्रवृत्ति दिएर पढाउने घोषणा गर्नुभयो। एसईई टुर्नामेन्ट खेलेका पहिले भर्ना हुन आउने ५ जना छात्रा र छात्रलाई छात्रवृत्ति दिएर पढाउने छत्कुलिले बताउनुभयो ।

त्यसैगरी कार्यक्रममा प्राचार्य अमृत बाबू भट्टले बर्नहार्टले विद्यार्थीहरुको सर्बाङ्गिण बिकासमा उल्लेख्य प्रगती गरेको भन्दै कक्षा ११ मा भर्नाहुन आउने खेलाडी विद्यार्थीहरु सबैलाई सहुलियत रुपमा पढाउन तयार रहेको बताउनुभयो।

प्रतियोगिताको समापन कार्यक्रममा कलेजका सल्लाहकार नारायण प्रसाद चापागाईं, डाइरेक्टर राम बहादुर थापा, काउन्सिलिङ इन्चार्ज संजय थापा, कलेजका कोर्डिनेटर लगाएत शिक्षक कर्मचारिहरुको उपस्थिति रहेको थियो।

एसईई दिएर बसेका विद्यार्थीहरुलाई लक्षित आयोजना गरेको उक्त प्रतियोगितामा छात्रतर्फ १६ टिम र छात्रातर्फ ६ टिम सहभागी रहेका थिए। भने छात्रहरु (Boys) तर्फको खेलहरु लिककम नकआउट र छात्राहरु (Girls) तर्फको खेलहरु राउन्ड रोबिनको आधारमा खेलाइएका थिए ।