असार, ५ गते चितवन । कृषि तथा वन विज्ञान विश्वविद्यालयका एक हजार ५९ विद्यार्थी दीक्षित भएका छन् । विश्वविद्यालयको चौथो दीक्षान्त समारोहका प्रधानमन्त्री एवं विश्वविद्यालयका कुलपति पुष्पकमल दाहाल ‘प्रचण्ड’ले विद्यार्थीलाई दीक्षित गरेका हुन् ।

दिक्षित हुनेमा स्नातक तह कृषि संकायतर्फ ५६८, पशु चिकित्सातर्फ ४७, मत्स्य विज्ञानका २६ जना र वन विज्ञानका १५७ जना गति जम्मा ७९८ जना विद्यार्थी दीक्षित भएका छन् । र स्नातकोत्तरतर्फ कृषिका १२३ जना, पशु चिकित्साका ३६, पशु विज्ञानका २० जना, मत्स्य विज्ञानका १३ जना र वन विज्ञानका ६० गरी २५२ विद्यार्थी दीक्षित भएका छन् । विद्यावारिधिमा दीक्षित हुने नौ जनामध्ये आठ जना कृषि र एक जना विद्यार्थी वन विज्ञानका छन् ।

दिक्षान्त समारोहला अवसरमा प्रधानमन्त्री प्रचण्डले प्रधानमन्त्री पुष्पकमल दाहाल प्रचण्ड' ले शैक्षिक गुणस्तर वृद्धि गरेर युवापुस्तालाई स्वदेशमै वस्ने अवसर सिर्जना गर्नुपर्ने वताउनुभयो।

देशभित्र भविष्य देखने सकारात्मक सोचका साथ आफ्नै माटोको सुगन्ध र मातृभूमिको माया सम्झेर आर्जित ज्ञान र सिप नेपालको दिगो विकासमा लगाउनुपर्ने आवश्यकता रहेको भन्दै प्रधानमन्त्री प्रचण्डले देशभित्र भविष्य देख्ने वातावरण सिर्जना गर्न शिक्षा र व्यवस्थापनको गुणस्तर अभिवृद्धि गर्नुपर्ने धारणा ब्यक्त गर्नुभयो।

प्रधानमन्त्रीले विश्वविद्यालयबाट प्राप्त ज्ञान सदुपयोग गर्दै यसलाई आफ्नै देश विकासमा लगाउन विद्यार्थीलाई आग्रह गर्नुभयो । उहाँले प्राविधिक शिक्षा र व्यवस्थापनको गुणस्तर अभिवृद्धिमा विशेष जोड दिनुपर्ने धारणा पनि राख्नुभयो। प्राविधिक विश्वविद्यालयले अनुसन्धानमार्फत नवीनतम प्रविधिको विकास गरी उत्पादन र उत्पादकत्व वृद्धि गर्ने कार्यमा आफ्नो सम्पूर्ण क्षमता र श्रोत साधन स्वर्चिनुपर्ने आवश्यकता औल्याउँदै उहाँले आवश्यकता अनुसार कलेज तथा कृषि विज्ञान केन्द्र विस्तार र सबलीकरणका लागि योजना निर्माण गरी त्यसको कार्यान्वयन गर्न पनि सुझाव दिनुभयो।

दिक्षान्त समारोहमा सिक्किम स्किल विश्वविद्यालयका उपकुलपति प्राडा अजयकुमार मिश्र प्रमुख अतिथिका रुपमा उपस्थित हुनुहुन्थ्यो । दिक्षान्त समारोहको अवसरमा साहित्यिक कार्यक्रम, रक्तदान, वृक्षारोपण पनि गरिएको थियो । विश्वविद्यालयमा यही असार ४ र ५ गते अन्तर्राष्ट्रिय सम्मेलन पनि आयोजना हुँदैछ ।