शुक्रवार, माघ १८ २०८१
माघ, १७ गते/ काठमाडौँको। नागार्जुन नगरपालिकाको स्वयम्भूस्थित द एक्सेल पब्लिक सेकेन्डरी स्कुलको जुनियर खेलकुद मेला (Sports Carnival) २०८१ उद्घाटन भएको छ। बिहीवार विद्यार्थीहरुको मार्च, नृत्य तथा कला प्रस्तुति संगै जुनियर खेलकुद मेला (Sports Carnival- 2081) उद्घाटन भएको हो।
खेलकुद मेला तीन दिनसम्म चल्नेछ भने करिब २ सय ५० भन्दा बढी विद्यार्थीहरुले सहभागी रहने स्कुल अध्यक्ष पबित्रा खतिवडाले बताउनुभयो। मेलामा बालबालिकाहरुले खेल्ने बिभिन्नखेलहरु खेलाइने अध्यक्ष खतिवडाले बताउनुभयो ।
खेलकुद मेलाबाट बालबालिकाको शारीरिक बिकास साथसाथै मानसिक बिकासमा समेत मद्दत पुर्याउने र विभिन्न खेलकुद गतिविधिहरूमा सहभागी भएर विद्यार्थीहरूले आफ्नो सहकार्य, नेतृत्व विकास, आत्मविश्वास र आत्मसम्मानमा वृद्धि हुने विषयमा मद्दत पुग्ने प्रिन्सिपल बाशुदेव घिमिरेले बताउनुभयो । बालबालिकाको मानसिक विकासको लागि शारीरिक तन्दुरुस्ती आवश्यक हुन्छ । शरीर बलियो, निरोगी, तन्दुरुस्त छ भने उनीहरुले सुनेको, देखेको कुरालाई सजिलै ग्रहण गर्न सक्छन् । त्यसैले वौद्धिक विकासको लागि शारीरिक तन्दुरुस्ती महत्वपूर्ण हुन्छ, घिमिरेले भन्नुभयो।
खेलकुद मेला उद्घाटन समारोहको संचालन शिक्षक सन्तोशी श्रेष्ठले गर्नुभयो। खेलकुद मेलामा स्कुल भाइस प्रिन्सिपल उदित सापकोटा लगाएत शिक्षक अभिभावकहरुको उपस्थिति रहेको थियो।
.png)
