माघ, ३० गते/ काठमाडौ। नागार्जुन नगरपालिका ९ स्यूचाटरस्थित रेडियण्ट पब्लिक बोर्डिङ स्कुलको वार्षिक खेलकुद सप्ताह भब्य रुपमा उद्घाटन भएको छ। बुधबार करिब ८ सयभन्दा बढी विद्यार्थीहरुले बिशेष मार्चपास सहित स्थानिय टोल परिक्रमा गर्दै वार्षिक खेलकुद सप्ताहको भब्य उद्घाटन भएको हो।

खेलकुद सप्ताहमा स्कुलका करिब ८ सयभन्दा बढी विद्यार्थीहरुले विभिन्न खेलहरुमा सहभागी जनाउने प्रिन्सिपल सुर्य बहादुर केसिले बताउनुभयो। खेलकुद सप्ताहमा फूटसल, बास्केटबल, बेडमिन्टन, टेबलटेनिस, चेस, टग अफ वार लगाएत बालबालिकाहरुले खेल्ने विभिन्न खेलहरु खेलाइने छन्।

खेलकुदबाट शारीरिक बिकास साथसाथै मानसिक बिकासमा मद्दत पुर्याउनुका साथै खेलकुद गतिविधिहरूमा सहभागी भएर विद्यार्थीहरूले आफ्नो सहकार्य, नेतृत्व विकास, आत्मविश्वास र आत्मसम्मानमा वृद्धि हुने विषयमा मद्दत पुग्ने प्रिन्सिपल केसिले बताउनुभयो । खेलले मानिसको जिवनमा सकारात्मक प्रभाव संगै जीवन निर्वाह गर्न समेत सघाउ पुर्‍याउने भएकोले खेललाइ व्यावसायिक रुपमा स्थापित गर्न स्कुल/ कलेजले खेल आयोजना गरेको प्रिन्सिपल केसिको भनाई छ।  

खेलकुद उद्घाटन समारोह स्कुलको कार्यक्रम प्रमुख वर्षा कुमारी आचार्यले संचालन गर्नुभयो। भने खेलकुद उद्घाटन समारोहमा नागार्जुन नगरपालिका वडा नम्बर ९ का सदस्य लक्षमण बुढाथोकी, विद्यालयका संस्थापक अध्यक्ष डा. लक्षमणसिंह कुँवर , कोर्डिनेटर दिलिप कार्की , आइटि प्रमुख विनोद कार्की , भाइस प्रिन्सिपल सुभद्रा कँवरको उपस्थिती रहेको थियो। खेलकुद सप्ताह फागुन ५ गते पुरस्कार वितरण गर्दै समापन गर्ने प्राचार्य सुर्य बहादुर केसिले बताउनुभयो।