सोमवार, मंसिर २ २०८२
१, मंसिर/ स्यूचाटार, काठमाडौं । ११औं उपत्यकाव्यापी रेडियण्ट अन्तर- विद्यालय बास्केटबल प्रतियोगिता शुरु भएको छ। सोमबार उद्घाटन भई रेडियण्ट स्कुलको परिसरमा रहेका बास्केटबल कोर्टमा भव्यताका साथ सुरु भएको हो।
प्रतियोगिता मंसिर १० गतेसम्म निरन्तर सञ्चालन हुनेछ।
यस वर्षको प्रतियोगितामा ३२ विद्यालयका ४९ टिम सहभागी भएका छन्। सहभागी टिमहरूमा Senior Boys – २५ टिम, Junior Boys – १२ टिम, तथा Girls – १२ टिम रहेका छन्।
बास्केटबल प्रतियोगिताले विद्यार्थीहरूको पढाइसँगै समग्र व्यक्तित्व विकासमा महत्त्वपूर्ण भूमिका खेल्ने अपेक्षा गरिएको छ। खेलकुदमार्फत विद्यार्थीहरूमा अनुशासन, नेतृत्व क्षमता, टोली भावना र आत्मविश्वास वृद्धि हुने प्रिन्सिपल सुर्य बहादुर केसिले बताउनुभयो। प्रतियोगितामा विभिन्न विद्यालयका विद्यार्थीहरू सहभागिता जनाई प्रतिस्पर्धासँगै आपसी मित्रता र स्वस्थ प्रतिस्पर्धाको भावना अभिवृद्धि गर्ने प्रिन्सिपक केसिको भनाई छ।
प्रतियोगिता मा विजेता तथा उपविजेता टिमहरूले ट्रफी, केडल र प्रमाणपत्र प्राप्त गर्ने स्कुलले जानकारी दिएको छ। आयोजकका अनुसार प्रतियोगिता सञ्चालनमा करिब ४ लाख रुपैयाँ बजेट खर्च हुने अनुमान गरिएको छ।
.png)
