बिहिवार, भाद्र ३ २०७८
काठमाडौं, अनलाइन कक्षाको नाममा चर्को शुल्क लिएको विरोधमा निजि इन्जिनियरिङ कलेजका विद्यार्थीहरु आन्दोलनमा उत्रेका छन।
विद्यार्थीहरुले निजि कलेजहरुले अनलाइन कक्षाको नाममा २/३ भिडियो देखाएर डेढ देखि दुई लाख रुपैयाँ सम्म लिएको आरोप विद्यार्थीहरुले लगाएका छन् । विद्यार्थीहरुका अनुसार इन्जिनियरिङ अध्ययन संस्थान (आईओई) ले चर्को शुल्क लिने निजी इन्जिनियरिङ कलेजलाई कारबाही गर्नुपर्ने माग गरेका छन् ।
यता निजि इन्जिनियरिङ कलेज हरुको सँस्था एशोसिएसन अफ इन्जिनियरिङ कलेज नेपालले बुधबार विज्ञप्ति जारी गरी विद्यार्थीहरुलाई अनलाइन कक्षाको शुल्कमा १० प्रतिशत भन्दा बढी छुट दिन नसक्ने उल्लेख गरेका छन् ।
तर विद्यार्थीहरुले निजी कलेज सञ्चालकको भनाइप्रति आपत्ति जनाउँदै यस विषयमा इन्जिनियरिङ अध्ययन संस्थान बोल्नुपर्ने बताएका छन् ।
यसअघि विद्यार्थीहरु चर्को अनलाइन शुल्क विरुद्ध आ - आफ्नो कलेज मा बिरोध प्रदर्शन गर्दै आएका थिए ।
.png)
