बिहिवार, जेठ २६ २०७९
जेठ, २६ काठमाडौं । अभिनेता राजेश हमालले आफ्नो जन्म दिनको अवसरमा विद्यार्थीहरुलाइ ट्याब बितरण गरेका छन। नायक हमालले मंगलबार सिन्धुपाल्चोकको इन्द्रावती गाउँपालिका-८ ज्यामिरे पुगेर विद्यार्थीहरुलाई ट्याब वितरण गरेका हुन्।
ज्यामिरेको पञ्चकन्या आधारभूत विद्यालय र शर्भासुधा आधारभूत विद्यालयका विद्यार्थीलाई अभिनेता हमालले अमेरिकास्थित ‘के फाउन्डेसन’बाट प्राप्त ट्याब वितरण गरेका हुन् ।
अमेरिका बस्दै आएका प्रकुल न्यौपानेको सहयोगमा दुई विद्यालयका लागि ५/५ वटा ट्याब वितरण गरिएको थियो । १६ वर्षीय प्रकुलले ट्याबमा विद्यार्थी सिकाउने नयाँ प्रविधिको प्रयोग गर्दै अनलाइन कोर्सको समेत डिजाइन गरेका छन् ।
ट्याब हस्तान्तरण कार्यक्रममा अभिनेता हमालले प्रकुलले दुर्गम क्षेत्रका विद्यार्थीका लागि डिजिटल प्रविधिसँग जोड्न ट्याब उपलब्ध गराउनु प्रशंसनीय कार्य भएको बताए । उनले विद्यार्थीलाई ट्याबको सही सदुपयोग गराउन शिक्षकहरुलाई आग्रह समेत गरे ।
समाजलाई दिशानिर्देश गर्न शिक्षाले महत्वपूर्ण भूमिका निर्वाह गर्ने भएकाले विद्यार्थीहरुलाई शिक्षामा जोड दिन उनले सुझाए ।
.png)
