सोमवार, मंसिर १३ २०७८
वीरगञ्ज- नेपाल गीता गजेन्द्रराज जोशी मा.वि.का विद्यार्थीहरुले अंग्रेजी र विज्ञानको विषयगत शिक्षकको माग गर्दै चक्काजाम गरेका छन। वीरगञ्ज–पथलैया सडकखण्डको परवानीपुर बजारमा विद्यार्थीहरुले शिक्षकको माग गर्दै आन्दोलन गरेका हुन्।
सोमबार बिहान ११ बजेदेखि २ बजेसम्म चक्काजाममा उत्रिएका विद्यार्थीहरुले गरेको आन्दोलनमा प्रहरीले लाठीचार्ज समेत गरेको जानकारी आएको छ ।
प्रहरीले सोमबार लाठी चार्ज गर्दा १० जना विद्यार्थीहरु घाइते भएका छन् । घाइते विद्यार्थी सामान्य उपचार पछि घर फर्किएको बताइएको छ। प्रहरीले स्थिति नियन्त्रणका लागि १३ राउण्ड अश्रु ग्यास प्रहार गरेको जनाएको छ ।
.png)
