एन आइ सि (Nic) एकेडेमीले गर्‍यो शैक्षिक प्रदर्शनी।

विद्यार्थी डट कम
शनिवार, आश्विन ८ २०७९

1.9K

एन आइ सि (Nic) एकेडेमीले गर्‍यो शैक्षिक प्रदर्शनी।

काठमाडौ, ८ असोज - काठमाडौ को सानोभर्‍याङ स्थित Nic (निक) एकेडमिले शैक्षिक प्रदर्शनी भब्य ढंगले सम्पन्न गरेको छ। एकेडेमीले आज मिति २०७९ असोज ८ गते शनिवारका दिन 'Nic Fete and Educational Exhibition programme' आयोजना गरेको हो।

शैक्षिक प्रदर्शनी कार्यक्रममा संस्थाका अध्यक्ष युवराज अधिकारीले उद्घाटन गर्नुभयो भने प्रिन्सिपल सुबन्धराज रेग्मीले शैक्षिक प्रदर्शनी बारे जानकारी दिनुभयो। उहाँले यस कार्यक्रमले विद्यार्थीका विभिन्न प्रतिभाहरूको प्रस्फुटन हुने साथै उनिहरूलाई यस्ता कार्यक्रमले उत्प्रेरणा मिल्ने बताउनु भयो । कार्यक्रमको संचालन शिक्षक रिङकि श्रेष्ठले गरेकि थिइन।

उक्त कार्यक्रममामा करिव २५ सय विद्यार्थी एवं अभिभावकको सहभागिता रहेको थियो। प्रदर्शनी कार्यक्रममा विद्यार्थी र शिक्षक शिक्षिकाले तयार पारेका शैक्षिक खेलहरू मुख्य आकर्षण थिए। साथै चित्रकला प्रदर्शनी लगाएत विभिन्न खेलहरूका स्टलहरू राखिएको थियो जसमा अभिभावक एवं विद्यार्थीहरूले खेलेर आनन्द लिएका थिए। वालवालिकाका लागि छुट्टै खेल्न मिल्ने खेल स्टेशन राखिएका थिए जसमा उनिहरूको रूचि देखिन्थ्यो। अन्य विविध खेलहरूमा अभिभावक एवं विद्यार्थीहरूको रूचि एवं सहभागिता उत्साहजनक थियो ।

प्रदर्शनीमा विभिन्न सांगीतिक कार्यक्रम अन्तर्गत विद्यार्थीहरूले गायन एवं नृत्य प्रदर्शन गरेर कार्यक्रमलाई मनमोहक बनाएका थिए । उता शिक्षक शिक्षिकाको नृत्य पनि हेर्न लायक थियो। कार्यक्रममा सहभागी अभिभावकहरूले कार्यक्रमको प्रशंसा गरेका थिए। साथै आफ्ना वालवालिकाका विभिन्न क्रियाकलापहरु र प्रदर्शन बाट सन्तुष्ट देखिन्थे । कार्यक्रममा विभिन्न फूड स्टल (खानाका परिकार)हरू पनि राखिएको थियो ।

शैक्षिक प्रदर्शनी कार्यक्रममा विद्यार्थीहरुले आफैले निर्माण गरेका विभिन्न बैज्ञानिक प्रबिधि र मेसिनहरुको प्रदर्शनी गरेका थिए। विज्ञान प्रदर्शनीमा विद्यार्थीहरूले बनाएका विभिन्न सामाग्रीहरू अभिभावक एवं विद्यार्थीहरूले ध्यानपूर्वक अवलोकन गरेका थिए।