सोमवार, फाल्गुण २१ २०८०
फागुन, २१ गते काठमाडौ । पूर्वाञ्चल विश्वविद्यालय, मध्यपश्चिम विश्वविद्यालय र सुदूरपश्चिम विश्वविद्यालय उपकुलपति बिहीन बनेका छन् ।
मध्यपश्चिम विश्वविद्यालयमा फागुन १७ मा र पुर्वाञ्चल विश्वविद्यालय र सुदूरपश्चिम विश्वविद्यालयमा फागुन १८ मा उपकुलपतिको कार्यकाल सकिएपछि यी तीनै विश्वविद्यालय उपकुलपति बिहिन बनेका हुन् ।
सरकारले यी तीनै विश्वविद्यालयमा निमित्त उपकुलपति समेत तोकेको छैन । पूर्वाञ्चल विश्वविद्यालयको उपकुलपति छनोट तथा सिफारिसका लागि शिक्षामन्त्री अशोककुमार राईको संयोजकत्वमा बनेको समितिले छनोट तथा सिफारिसका लागि प्रकृया जारी रहेको जनाएको छ । पूर्वाञ्चल विश्वविद्यालयको लागि १८ जनाको आवेदन परेको छ ।
विश्वविद्यालय अनुदान आयोगका अध्यक्ष देवराज अधिकारी संयोजकत्वको सुदूरपश्चिम तथा मध्यपश्चिम विश्वविद्यालय उपकुलपति छनोट तथा सिफारिस प्रकृया स्थगित गरेको छ । उपकुलपति छनोट तथा सिफारिसको लागि बनाइएको मापदण्डमा विवादित बनेको भन्दै समितिले ६ फागुनमा स्थगित भएको प्रकृयाबारे अझै निर्णय गर्न सकेको छैन ।
यसअघि प्रधानमन्त्रीले बिश्वबिद्यालयका उपकुलपति नियुक्ति खुला प्रतिस्पर्धाबाट गर्ने भनी घोषणा गरेका थिए। जस अनुरुप त्रिभुवन बिश्वबिद्धालयमा उपकुलपतिको रुपमा प्रा.डा.केशरजंग बराल खुला प्रतिस्पर्धाबाट छनोट भएर नियुक्ति भईसकेकाछन।
.png)
