शुक्रवार, बैशाख ७ २०८१
बैशाख, ७ गते सुर्खेत । मध्यपश्चिम विश्वविद्यालयको उपकुलतिमा ३ जनाको नाम सिफारिस गरिएको छ । उपकुलपति छनोट गर्न बनेको सिफारिस समितिले प्रा.डा. धुव्रकुमार गौतम, नन्दबहादुर सिंह र देवबहादुर खड्का को नाम सिफारिस गरेको हो।
यसअघि उपकुलपति छनोट गर्न विश्वविद्यालय अनुदान आयोगका अध्यक्ष देवराज अधिकारीको अध्यक्षतामा ३ सदस्यीय सिफारिस समिति गठन गरिएको थियो ।
सिफारिस हुनेमा प्रा.डा. धुव्रकुमार गौतम त्रिवि योजना महाशाखाका प्रमुख, नन्दबहादुर सिंह मध्यपश्चिमका पूर्वउपकुलपति र देबबहादुर खड्का पूर्वडिन हुन् ।
समितिले उमेदवारहरुले प्रस्तुत गरेको कार्ययोजना, सोचपत्र र अन्तर्वार्ताको आधारमा र विज्ञहरुबाट प्रतिस्पर्धीको मूल्यांकन गरि सिफारिस गरिएको समितिले जनाएको छ । उपकुलपतिमा १० जनाले आवेदन दिएका थिए ।
शिक्षा सचिव सुरेश अधिकारी र राष्ट्रिय योजना आयोगका सदस्य रमेशचन्द्र पौडेल समिति सदस्य थिए । सिफारिस गरे मध्ये १ जनालाई प्रधानमन्त्री तथा कुलपतिले उपकुलपति नियुक्त गर्ने व्यवस्था छ ।
.png)
