जेठ, २६ गते काठमाडौ । काठमाडौको नयाँबजारमा अवस्थित गीताञ्जली स्कुल/कलेजले आयोजना गरेको एसईई फुटसल टुर्नामेन्ट- २०८१ भब्यरुपमा सम्पन्न भएको छ। यससंगै फूटसल प्रतियोगितामा उत्कृष्ट खेल्ने ५ जना खेलाडिलाई कक्षा ११ मा पुर्ण नि:शुल्क छात्रवृत्ति दिएर पढाउने घोषणा गरेको छ।

फुटसल प्रतियोगितामा काठमाडौ उपत्यकाभरी र धादिङको सिम्लेबाट जम्मा ३० वटा टिमको सहभागिता रहेको थियो। खेल नकाउट चरणमा खेलाइएको खेल थियो भने प्रतियोगितामा प्रथम र द्वितीय हुने टिमलाई काठमाडौ जिल्ला शिक्षा बिकास तथा समन्वय इकाइका प्रमुख बिचारी प्रसाद अधिकारी र गीताञ्जली स्कुल कलेजका प्राचार्य बेद प्रसाद पन्तले संयुक्त रुपमा पुरस्कार वितरण गर्नुभएको थियो।

फूटसल टुर्नामेन्टमा समृद्धि एकेडेमीले पहिलो स्थान हात पार्दै रु २० हजार संगै ट्रफी, मेडल र हर्ट्लेन्ड (Heartland) स्कुलले द्वितीय स्थान हात पार्दै रु.१० हजार संगै ट्रफी, मेडल र प्रमाणपत्र पाएको थियो। साथै टुर्नामेन्ट्माBest player समृद्धि स्कुलका लक्षण थामी, Best Keeper समृद्धि कै बिजय गुरुङ र टुर्नामेन्ट भरी सबैभन्दा बढी गोल गर्ने नागार्जुन एकेडेमीका रोशन रानामगरले रु. १ हजार नगद सहित ट्रफी प्राप्त गरेका थिए।

फूटसल टुर्नामेन्ट एसईई दिएर बसेका विद्यार्थीहरुलाई लक्षित गरि आयोजना गरिएको थियो। खेल शुक्रबार बिहान ८ बजे देखि नयाँबजारको रिभर फिल्ड फूटसल मैदानमा संचालन भएका थिए।

फूटसल टुर्नामेन्ट समापन समारोहमा काठमाडौ जिल्ला समन्वय इकाइप्रमुख विचारिप्रसाद अधिकारीले अतिरिक्त क्रियाकलाप अन्तर्गत उनिहरुको सारिरिक तथा मानसिक स्वास्थ्यका साथसाथै नैतिकता र अनुशासनको पाठ सिकाउने उदेश्यले आयोजना गरिएकोले गर्व गर्न लायक रहेको बताउनुभयो । उहाँले फूटसलमा उत्कृष्ट कौसलता प्रयोग गरि बिजेता बन्नुभएका विद्यार्थीहरुलाई बधाई तथा सहभागी सबैलाइ पुन: बिजयको शुभकामना दिनुभयो।

त्यसैगरी समापन समारोहमा प्राचार्य वेद प्रसाद पन्तले विद्यार्थीहरुमा लुकेर बसेको प्रतिभालाई पहिचान र प्रस्फुटन गर्ने उदेश्यले खेल आयोजना गरिएको बताउनुभयो। खेलले अनुसाशन, सहकार्य र भातृत्व विकासका साथसाथै शारीरिक तथा मानसिक तन्दुरुस्ती कायम राख्न सघाउ पुर्‍याउने उहाँले बताउनुभयो । साथै खेलको माद्यामबाट विद्यार्थीहरुलाई अगाडि बढाउन र राष्ट्र निर्माणमा सघाउ पुर्‍याउन र सामाजिक उत्तर दायित्व अन्तर्गत, राष्ट्रको गहना निर्माण गर्ने उदेश्यले फूटसल टुर्नामेन्ट आयोजना गरिएको प्राचार्य पन्तले बताउनुभयो।

समापन समारोहमा कलेजका अध्यक्ष गोविन्द प्रसाद आचार्यले बिजेता र सहभागी सबै विद्यार्थीहरुलाई बधाइ तथा शुभकामना ब्यक्त गर्नुभयो ।

फूटसल टुर्नामेन्टका खेलहरु राष्ट्रिय रेफ्री माया लामा, उमा श्रेष्ठ, उमा श्रेष्ठ, दिवस मगर र प्रदिप गुरुङले खेलाउनुभएको थियो।

फूटसल टुर्नामेन्टको समापन समारोहमा नेपालका राष्ट्रिय क्लबहरुबाट खेल्ने फूटबल/फूटसलका राष्ट्रिय खेलाडीहरु युथ नेशनल प्लेयर अमित तामाङ, फूटसल नेशनल प्लेयर उर्केन शेर्पा, अन्डर १९ प्लेयर चन्दन दास, ए डिविजन क्लब एनआर्टिका रिचार्ड विल्सन (घाना), फूटसल प्लेयर अमित लामा लगाएत खेलाडीहरुको उपस्थिति रहेको थियो।

समापन समारोहमा गीताञ्जली स्कुल कलेजका अध्यक्ष गोविन्द प्रसाद आचार्य, वरिष्ठ पत्रकार राजु सिलवाल, फाइनान्स डाइरेक्टर भिम प्रसाद भट्टराई, +२ कोर्डिनेटर बाशुदेव अधिकारी, स्कुल कोर्डिनेटर लगाएत विभिन्न विद्यालयका प्रिन्सिपल, शिक्षक तथा कर्मचारीहरुको सहभागी रहेको थियो।