शुक्रवार, आषाढ २८ २०८१
असार, २८ गते काठमाडौ । राष्ट्रिय परीक्षा बोर्ड परीक्षा नियन्त्रण कार्यालय (कक्षा १०) ले माध्यमिक शिक्षा परीक्षा (एसईई) को पहिलो चरणको रिटोटलिङको नतिजा सार्वजनिक गरेको छ ।
बोर्डले लब्धाङ्क पत्र सहित सार्वजनिक गरेको पहिलो चरणको नतिजामा दुर्गमका विद्यार्थीको नतिजामा फरक पर्न गएको छ ।
बोर्डले पहिलो चरणमा ९८ जना विद्यार्थीको नतिजा सार्वजनिक गरेको छ । सार्वजनिक नतिजा अनुसार १.६ जीपीए आएका विद्यार्थीको नतिजामा ३.२२ जीपीए आएको छ ।
राष्ट्रिय बोर्डले आइतबारसम्म रिटोलिङका लागि आवेदन दिने म्याद दिएको छ । रिटोटलिङका लागि अनलाइन आवेदन खुला गरिएपछि अहिले देशैभरिबाट १६ हजार भन्दा बढीले आवेदन दिएको बोर्डले जाकारी दियो । रिटोटलिङका लागि आवेदन दिनेमा बढीले गणित, विज्ञान र अङ्ग्रेजी विषयका लागि आवेदन दिएका छन् ।
रिटोटलिङका लागि आवेदन दिनेको संख्या निर्धारित समयसम्ममा १८ हजार नाध्ने बोर्डले अनुमान गरेको छ । भौतिक रुपमा आवेदन दिने प्रक्रियालाई अनलाइन प्रक्रियामा लगेपछि रिटोटलिङ गर्नेको संख्या बढेको आँकलन गरिएको छ । यसअघि गत वर्षको एसईईमा करिब चार हजारले आवेदन दिएका थिए ।
.png)
