बिहिवार, श्रावण २४ २०८१
साउन २४ गते काठमाडौ । त्रिभुवन विश्वविद्यालय, शिक्षाध्यक्षको कार्यालयले लागि स्नातक तह प्रथम वर्षको नयाँ विद्यार्थी भर्नाको लागि आवेदन खुला गरेको छ।
विश्वविद्यालय मानविकी तथा सामाजिकशास्त्र संकाय, व्यवस्थापन संकाय, शिक्षाशास्त्र संकाय र विज्ञान तथा प्रविधि अध्ययन संस्थान अन्तर्गतका क्याम्पसहरुमा शैक्षिक वर्ष २०८१/०८२ को बार्षिक प्रणालीका लागि स्नातक तह प्रथम वर्षमा नयाँ विद्यार्थी भर्नाको लागि आवेदन खुला गारेको हो।
यस्तो छ भर्ना कार्यक्रम
१. आवेदन फाराम वितरण र बुझाउने २०८१ साउन २८ गतेदेखि भाद्र मसान्तसम्म ।
२. प्रवेश परीक्षा तथा भर्ना सम्बन्धी अन्य विस्तृत जानकारी: डीनको कार्यालयले निर्धारण गरे अनुसार
३. कक्षा संचालन २०८१ असोजदेखि
४. अन्तिम परीक्षा फाराम भराउने २०८२ बैशाख
५. कक्षा समाप्त हुने मिति: २०८२ जेठ
६. अन्तिम परीक्षा संचालन २०८२ असार
७. नतिजा प्रकाशन २०८२ असोज
८. विद्यार्थीले प्रवेश चाहेको प्रत्येक संकाय अध्ययन संस्थान र विषय अनुसार क्याम्पसमा बेग्लाबेग्लै आवेदन फाराम बुझाउनु पर्नेछ ।
९. आवेदन दिंदा फारामसँगै हालसालै खिचेको र ट्रान्सङ्क्रप्ट तथा चारित्रिक प्रमाणपत्रको प्रमाणित प्रतिलिपि बुझाउनु पर्नेछ ।
१०. विस्तृत जानकारी सम्बन्धित डीन कार्यालयहरु र क्याम्पसबाट प्राप्त गर्न सकिनेछ ।
विश्वविद्यालय द्वारा प्रकाशित शैक्षिक तालिका अनुसार विद्यार्थी भर्ना, कक्षा संचालन र परीक्षा संचालन समेत गर्न गराउन सम्बन्धित निकायहरुलाई जानकारी गराएको छ।
.png)
