माघ, ९ गते/ काठमाडौँको। नागार्जुन नगरपालिका वडा नम्बर- २ ठूलोभर्र्याङ्स्थित लिटिल क्लाइम्बर्स स्कुलको स्पोर्ट्स मिट २०८१ सम्पन्न भएको छ।  मंगलबार एक कार्यक्रमका बिच विजेता विद्यार्थीहरुलाई पुरस्कार बितरण गर्दै Sports Meet- 2081 सम्पन्न भएको हो।

खेलकुद सप्ताहमा विद्यालयका करिब २ सय ५० भन्दा बढी विद्यार्थीहरुले सहभागी जनाएका थिए। स्पोर्ट्स मिटमा फूटसल, बास्केटबल, बेडमिन्टन, टेबलटेनिस, चेस, टग अफ वार लगाएत खेलहरु खेलाइएको थियो।

स्पोर्ट्स मिट अन्तर्गत भएका खेलहरुमा सबैभन्दा बढी मेडल जित्दै Green House ले प्रथम स्थान हासिल गरेको छ। भने Yellow House द्वितीय, Red House तृतीय र Blue House प्रोत्साहन पुरस्कार प्राप्त गर्दै ट्रफी, मेडल र प्रमाणपत्र प्राप्त गरे।

खेलकुदबाट विद्यार्थीको शारीरिक बिकास साथसाथै  मानसिक बिकासमा समेत मद्दत पुर्याउने र विभिन्न खेलकुद गतिविधिहरूमा सहभागी भएर विद्यार्थीहरूले आफ्नो सहकार्य, नेतृत्व विकास, आत्मविश्वास र आत्मसम्मानमा वृद्धि हुने विषयमा मद्दत पुग्ने प्रिन्सिपल दिलिप रेग्मीले बताउनुभयो। विद्यार्थीहरुको  मानसिक विकासको लागि शारीरिक तन्दुरुस्ती आवश्यक हुन्छ । शरीर बलियो, निरोगी, तन्दुरुस्त छ भने उनीहरुले सुनेको, देखेको कुरालाई सजिलै ग्रहण गर्न सक्छन् । त्यसैले वौद्धिक विकासको लागि शारीरिक तन्दुरुस्ती महत्वपूर्ण हुन्छ रेग्मीले भन्नुभयो।

 खेलले मानिसको जिवनमा सकारात्मक प्रभाव संगै जीवन निर्वाह गर्न समेत सघाउ पुर्‍याउने भएकोले खेललाई व्यावसायिक रुपमा स्थापित गर्न स्कुल/ कलेजले खेल आयोजना गरेको भाईसप्रिन्सिपल कविता नेपालले बताउनुभयो । खेल संगै संस्कार समेत सिकाउने भएकोले हार जित भन्दापनी स्वास्थ्यको लागि खेलकुद अति आवश्यक छ भन्दै विद्यार्थीहरु बिच हुने स्वस्थ प्रतिस्पर्धाले खेल अनुशासन कायम गर्न मद्दत गर्ने नेपालले बताउनुभयो

Sports meet को कार्यक्रम सन्चालन स्कूल Coordinator शिक्षिका नविना शाही तामाङले गर्नुभएको थियो। पुरस्कार वितरण कार्यक्रममा विद्यार्थीहरुलाई मेडल, प्रमाणपत्र तथा ट्रफिहरु बितरण गरिएको थियो।