सोमवार, चैत्र ३ २०८१
काठमाडौ। त्रिभुवन विश्वविद्यालय परीक्षा नियन्त्रण कार्यालयले पुराना विद्यार्थीहरूका लागि मौका परीक्षाको आवेदन फारम भर्ने म्याद थप गरेको छ।
त्रिविले ३ र ४ वर्षे स्नातक तह प्रथम, दोस्रो, तेस्रो र चौथो वर्ष तथा स्नातकोत्तर तह प्रथम, दोस्रो वर्षको मौका परीक्षा दिने परीक्षार्थीहरूका लागि परीक्षा आवेदन फाराम भर्ने म्याद थप गरेको हो।
परीक्षा आवेदन फाराम भर्ने समय यही चैत १ गतेसम्म कायम गरिएकोमा आसन्न स्व.वि.यु. निर्वाचनको कारण अधिकांश क्याम्पसहरुमा परीक्षा आवेदन फाराम भर्न नसकेको गुनासो आएपछि परीक्षार्थीहरुले दोब्बर शुल्कमा चैत ८ गतेसम्मका लागि समय थप गरिएको विश्वविद्यालयले जनाएको छ ।
.png)
