जेठ, १८ गते/ काठमाडौँ। उत्तर भेगिय शैक्षिक मञ्च (नेफ) द्वारा आयोजित 'अन्तर-विद्यालय हिज्जे प्रतियोगिता' सम्पन्न भएको छ। नेफका अध्यक्ष नारायण रोकाको सभापतित्व तथा सानोभर्‍याङ स्थित निक एकेडेमिका प्रिन्सिपल सुगन्धराज रेग्मीको संयोजकत्वमा अन्तर- विद्यालय हिज्य प्रतियोगिता २०८२ सम्पन्न भएको हो।

प्रतियोगितामा नेफ आबद्ध १० विद्यालयका ३० जना विद्यार्थी सहभागी रहेका थिए। जसमा सिनियर तर्फ १५ जना र जुनियर तर्फ १५ जना विद्यार्थीले हिज्य प्रतियोगितामा भाग लिएका थिए।

प्रतियोगितामा सिनियर तर्फ ग्रीनल्याण्ड स्कुलका विद्यार्थीहरुले प्रथम स्थान हासिल गरे। त्यसैगरी नेसनल मोडेल साइन्स स्कुल - The NAMSS द्वितीय र गोर्खाली इङ्लिस बोर्डिङ स्कुलले तृतीय स्थान हासिल गर्यो। त्यसैगरी जुनियर तर्फ भने NAMSS ले प्रथम स्थान हासिल गर्यो भने बिधा कुञ्जले द्वितीय स्थान र गोर्खाली इङ्लिस बोर्डिङ स्कुलले तृतीय स्थान हासिल गर्यो।

प्रतियोगितामा पहिलो, द्वितीय र तृतीय स्थान हाँसिल गर्ने विद्यार्थीहरुलाई ट्रफी, मेडल र प्रमाणपत्र वितरण गरिएको थियो।

उक्त कार्यक्रममा बोल्दै नेफका अध्यक्ष तथा सभापति नारायण रोकाले हिज्जे (हिज्या / spelling) प्रतियोगिताले विद्यार्थीहरूको समग्र बिकासमा महत्वोपुर्ण हुने बताउनुभयो । उहाँले सहभागी सम्पुर्ण विद्यार्थीहरुलाई बधाई तथा शुभकामना दिनुभयो।

त्यसैगरी कार्यक्रममा बोल्दै संयोजक तथा निक एकेडेमीका प्रिन्सिपल सुगन्धराज रेग्मीले हिज्जे प्रतियोगिताले शब्दकोषको ज्ञान, भाषिक दक्षता आत्मविश्वास र स्मरण गर्ने बानिको बिकास गर्ने बताउनुभयो ।

त्यसैगरी प्याब्सन काठमाडौ महानगरपालिका उपाध्यक्ष तथा गोर्खाली इङ्लिस बोर्डिङ स्कुलकी प्रिन्सिपल देवु फुल्यालले हिज्य प्रतियोगितामा हुने सहभागीताले विद्यार्थीहरुको सर्वाङिण बिकासमा महत्वपूर्ण भुमिका खेल्ने बताउनुभयो।

हिज्य प्रतियोगिता समारोहमा प्याब्सन केन्द्रीय उपाध्यक्ष थाकिङ कुमार गुरुङ, लगाएत विभिन्न स्कुलका प्रिन्सिपल तथा शिक्षकहरुको समेत उपस्थिति रहेको थियो।