आइतवार, पौष १८ २०७८
काठमाडौं, १८ पुस । चिकित्सा शिक्षा अन्तर्गतका एमबिबिएस (MBBS) अध्ययनरत विद्यार्थीहरुबाट चिकित्सा शिक्षक आयोग द्वारा तोकिएको शुल्क भन्दा बढी शुल्क लिने मेडिकल कलेजहरुलाई कारबाही गर्न गृह मन्त्रालयले पत्र पठाएको छ ।
मन्त्रालयले १२ जिल्लाका प्रमुख जिल्ला अधिकारी (सिडियो)हरुलाई अतिरिक्त शुल्क लिइरहेका मेडिकल कलेजहरुलाई कारवाही गर्न निर्देशनात्मक पत्र पठाएको हो ।
मन्त्रालयले काठमाडौं, ललितपुर, मोरङ, चितवन, कास्की, भक्तपुर, सुनसरी, धनुषा, रुपन्देही, बाँके र जुम्लाका जिल्ला प्रशासन कार्यालयहरुलाई पत्र पठाएर कारवाही गर्न निर्देशन दिएको बताइएको छ।
बिद्यार्थीहरुले विभिन्न मेडिकल कलेजहरुले अतिरिक्त शुल्क मागेको र सो शुल्क नबुझाए पठनपाठन समेत गर्न नदिने धम्की दिँदै आएको गुनासो गर्दै आएको थिए ।
यस अघि काठमाडौंको केएमसि मेडिकल कलेज, बिराटनगरको नोबेल मेडिकल कलेज र मणिपाल मेडिकल कलेजले तोकिएको भन्दा २० पाख बढी शुल्क लिएको भन्दै विद्यार्थीहरुले आन्दोलन समेत गर्दै आइरहेका थिए।
.png)
