बुधवार, श्रावण ४ २०७९
साउन, ४ काठमाडौ । नेपालकै एक मात्र स्पोर्ट्स साइन्स अध्यापन हुने समाखुसी स्थित नवोदित कलेजले अन्तर कलेज फूटसल कप-२०७९ संचालन गरेको छ। SEE दिएर बसेका विद्यार्थीहरुलाइ केन्द्रीकृत गरेर कलेजले नवोदित फूटसल कप आयोजना गरेको हो।
कलेजले उद्घाटन सत्र कलेजमै सम्पन्न गरेको र अन्य खेलहरु सामाखुसी फुटसलमा भइरहेको छन। फूटसल प्रतियोगितामा भाग लिन काठमाडौ जिल्लामा रहेका विभिन्न बिद्यालयका ११० टिम ले सहभागी जनाएका छन।
फूटसल कप उद्घाटन कलेजका प्रीन्सिपल राजेन्द्र अधिकारीले गर्नु भयो। खेल उद्घाटन गर्दै प्रीन्सिपल अधिकारीले पढाइका साथसाथै विद्यार्थीहरुको शारीरिक, मानसिक र बौद्धिक क्षमताको बिकास गर्न खेलकुद अपरिहार्य रहेको बताउनु भयो। उहाँले खेलकुदलाइ व्यावसायिक रुपमा अघि बढाउनु पर्ने धारणा राख्दै, बिद्यालय स्तरमा खेलकुद संचालन गरि व्यावसायिक खेलाडी उत्पादन गर्न सकिने बताउनु भयो।
त्यसैगरी खेलकुदलाई बिशेष जोड दिनकोलागी नवोदित कलेजले कक्षा ११ र १२ मा नेपाल मै पहिलो पटक स्पोर्ट्स साइन्स अध्यापन गरिरहेको छ।
कलेजले आयोजना गरेको नवोदित फुटसल कपमा प्रथम पुरस्कार रु. २० हजार रहेको छ भने द्वितीय पुरस्कार रु.१० हजार रहेको छ। साथै बेस्ट प्लेयर रु. ३ हजार रहेको छ। फूटसल को लागि टिम दर्ता रु. ५०० तोकिएको छ ।
यसअघि हिसान काठमाडौले आयोजना गरेको फूटसल र भलिबलमा प्रतियोगितामा नवोदित कलेज च्याम्पियन बनेको थियो।
फुटसल कार्यक्रममा चिरायु अस्पतालले हेल्थ डेस्क राखेर सहयोग गरेको छ।
.png)
